– Den Norske Forfatterforening feirar sitt 100 års jubileum i trygg forvissing om at det siste ordet enno ikkje er sagt, sa Edvard Hoem i Oslo Konserthus den 16. november 1993. Tjuefem år seinare har Forfatterforeningen allereie holdt jubileumsframsyningar over heile landet, som eitt av mange uttrykk for lovnaden frå Hoem i 1993.
Anne Cathrine Straume var litteraturjournalist for 25 år sidan også. No jobbar ho i NRK Bok, og den gongen rapporterte ho frå konserthuset for Aftenposten. Jubileumsframsyninga var i følgje Straume ein “minnerik kveld de norske forfatterne arrangerte på 100årsdagen for sin myteomspunne forening.”
Programmet byrja med ein jubileumsfanfare komponert av Knut Nystedt, framført av Kringkastingsorkesteret. Komposisjonen var ei gåve frå Norsk Komponistforening. Skodespelaren Reidar Sørensen las frå Knut Hamsuns «Mysterier”. Frøydis Klausberger sang Arne Garborg og Edvard Griegs «Blåbærli» fra «Haugtussa”, og ein heidra medlemmar som Halldis Moren Vesaas.
Straume held fram i artikkelen sin i Aftenposten:
Mytene var det færre av under jubileumsforestillingen; levende forfattere var det derimot flust med, fra Dag Solstad til Øyvind Berg, fra Cecilie Løveid til Kjartan Fløgstad. (…) Og publikum lot seg rive med. Salen var fylt med forfattere, her var Anne Karin Elstad og Åse Marie Nesse, Roy Jacobsen, Herbjørg Wassmo og selvfølgelig forfatterformann Thorvald Steen. Og kanskje like selvfølgelig under et 100årsjubileum; kulturminister Åse Kleveland.
Et eksempel på kroppslig gjenbruk av tekst viste dramatikeren Cecilie Løveid, som fikk hjelp av danserne Ingrid Meland og UnMagritt Nordseth, mens Kjartan Fløgstad leste egne gjendiktninger av Harrison og Neruda.
Programmet ble ledet av Ebba Haslund og Edvard Hoem, som presenterte hverandre på en humørfylt måte – Edvard som en malmfuru i norsk samtidsdiktning, Ebba som den mørkeblå fruen fra Blommenholm, eller – som Jens Bjørneboe kalte henne – Røde Ebba.
Forfatterforeningens 125-årsjubileum byrjar torsdag 15/11-2018 klokka elleve på Grand Hotel i Oslo. Det er ope og gratis for alle. Sjå programmet for feiringen i 2018 her.