Sjølv om ein ikkje kjøpte bøker
i alle fall ikkje skjønnlitteratur
og ikkje til full pris,
så kjøpte Nils-Øivind Haagensen
Stempler –
– kjøpte ho det året, 1989, då ho kom,
fortel Haagensen under Norsk Litteraturfestival på Lillehammer,
om diktsamlinga som han las,
og las igjen,
og forsøkte å kopiere –
før det eine tok det andre:
før Bergen tok Ålesund,
litteraturstudier tok heile tida,
forfattarskapen tok over,
og forfattarskapen no tar av:
Med nominasjon til Nordisk Råds Litteraturpris,
er Haagensen der Saabye var i året 2000.
Ventande på svaret frå komiteen.
Saabye vann den nordiske prisen
– og vann Brageprisen
– og vinn gjer han heile tida –
i følgje statuttar som han har forma sjølv:
bok på bok, lyrikk for musikk,
adapsjon av tekst til film, tv-serie, osv.
Han var berre 29 då Beatles kom med ein trommekvervel
og gjorde Saabye til litteraturens ungdomsstjerne.
Over 50 titlar sia debuten i 1976, Historien om Gly
– boka som han fekk Tarjei Vesaas Debutantpris for.
Og i 2013 kjem ikkje berre ei ny bok, men to.
Gratulerer. På førehand.