Dei litterære festspela blir arrangert i Bergen i mai kvart år. Ein norsk samtidsforfattar blir peikt ut som festspeldiktar og får velja gjestar til programmet. I år er det Tore Renberg som har fått dette ærefulle oppdraget.
«Få om nokre andre norske forfattarar har Tore Renbergs evne til å skriva bøker som liknar så lite på kvarandre. Han kan skriva kort eller langt, gå tett på individa, eller bruka vidvinkel på samfunnet og samtida. Han er vekselvis trist, tragisk, morosam, overskridande eller sentimental, alt blir rista tilsynelatande uanstrengt ut av forfattarerma, som var han ein litteraturens illusjonist.»
Dette skriv arbeidsutvalet ved Norsk forfattersentrum Vestlandet om forfattaren.